My dreams



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 امبر موسوعه للامثال الفلسطنينه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البنت الشقيه
الراس الكبيره
الراس الكبيره
avatar

الجنس : انثى
الســـن الســـن : 37
الوظيفة :
الهواية :
المساهمات : 3501
علم بلدك : أمة واحدة  قلب واحد
لا تنسى ذكر الله : الحمد لله عدد ما تعاقب الليل والنهار

مُساهمةموضوع: امبر موسوعه للامثال الفلسطنينه   الأربعاء يونيو 03, 2009 11:40 pm

جبت الكم اكبر موسوعة امثال شعبية فلسطينية


وان شاء الله تعجبكم وما يروح تعبي هدر






إبعد عن الشر و غنيله


إذا انت أمير و أنا أميرمين بيسوق الحمير


أكثر من الهم ع القلب


إن عاشرت عاشر أمير وإن إلبست البس حرير و إن عيروك بشي يكون يحرز التعيير


إن كبر إبنك خاويه


إجا مين يعرفك يا بلوط


إجو ليحدوا الخيل مد الفار رجله


إضحك بعبك


إطعم التم تستحي العين


أكل الهدية وكسر الزبدية


أهل الميت صبروا والمعزيات كفروا


أوعد اليهودي بالكفن بيموت


آخر العنقود سكر معقود


آخر الزمر طوط


آخر الدوا الكي


إبنه على كتفه و بيفتش عليه


إبنك على ما ربيتيه و جوزك على ما عودتيه



بتقول له ثور بقول احلبوه


بدل الرز و الباذنجان إكسي حالك يا عريان


بده عرس يرقص فيه


بدي ياه و تفوه عليه


بزمان الخير ما غنينا يا ليل


بطيختين بإيد مابينحملوش


بعد ما شاب ودوه ع الكتاب


البيت ضيق والحمار رفاص


بيتعلم البيطرة بحمير النوَر


بيحرق حارة ليولع سيجارة


بيرقص بلا دف


بيركض بيركض والعشا خبيزة


بيفصل للبرغوت قميص


بيقتل القتيل وبيمشي بجنازته


بيلهي الحمار عن عليقه


بيمسح جوخ


بيموت الزمار و اصبعه بيلعب


تاجرنا بالكفان بطلت الناس تموت


تسمع صوته و تقول نيالك يا أطرش


التكرار بيعلم الحمار


تلاتة مابينطاقوا : الطق والنق والبق


جبنا الأقرع ليونسنا كشف طقيته و خوفنا


حاميها حراميها


حايص متل جاجة بدها تبيض


حط راسك بين الروس و قول يا قطاع الروس


خليها بالقلب تجرح و لا بين الناس تفضح


الدار دار أبونا و اجوا الغرب يطحونا


دمه تقيل متل دم البق


الدنيا ما بتخلي الراكب راكب ولا الماشي ماشي


راح العيد وفرحاته واجا المعلم وقتلاته


الرجال مش شكلة لتحطيه ع راسك


رجعت حليمة لعادتها القديمة


رخيِّص وكويِّس وإبن ناس


الرقاصة الغشيمه بتحجج بقشة الحصيرة


ركبناه ورانا مد ايده ع الخرج


رافق المسعد تسعد


رزق الهبل ع المجانين


ركوب و ركبتك و كمان تهز رجليك


زاد الطين بلة


زبال و شاكل له ورده


زرعنا اللوز طلع بقدونس


الزمار بيعرف دار الطبال


زمن غريب بيخلي القطة تشخر للديب


زوّج الفقيرة للفقير بيكتروا الشحّاتين


( زي أباريق الجامع( كل واحد شكل


زي الفراشة بتحوم حول السراج تاتنحرق


ساعه لقلبك و ساعه لربك


ساير العيار لباب الدار


شافت الخنفسه بنتها ع الحيط قالت الها: يسلملي بياضك ع سواد الحيط


شحاد و مشارط


شم ولاتذوق


شَمّام هوا وقطّاف ورد


الشهر اللي ما إلكش معاش فيه ليش تعد أيامه


شو أحلى من العسل قال الخل ببلاش


شو فهم الحمير بأكل الزنجبيل


شو هيّة لحسة حلاوة؟


شو دخّلك بيت عدوك ؟ قال حبيب قلبي جواته


صارت عظامه مكاحل و مصارينه حبال


الصباح رباح


صباحه بيقطع الرزق


صوته ملعلع للسما


ضربني و بكى و سبقني و إشتكى


طبني طبتك العافيه


طلع تحت لساني شعر


الطمع ضر ما نفع


طنجرة و لقت غطاها


عاشر المصلي بتصلي و عاشر المغني بتغني


العز للرز و البرغل شنق حاله


عصفور باليد و لا عشرة ع الشجرة


عقله براسه بيعرف خلاصه


علمناه الشحادة سبقنا ع البواب


على بخت الحزينه سكرت المدينة


على عينك يا تاجر


عليه مناخير زي كوز الصبر


عمر الشقي بقي


عمر مديون ما انشنق


عملوك مسحر خلص رمضان


العنزه الجربا ما بتشرب إلا من راس العين


عيش يا كديش ليطلع الحشيش


العين بصيرة و اليد قصيرة


غاب القط العب يا فار


غالي و الطلب رخيص


الغنى بالغربه وطن و الفقر بالوطن غربه


فخار بيكسر بعضه


قاطع شرش الحيا


قال الله يلعن اللي بيحكي على الناس قال له يلعن اللي بيخلي الناس تحكي عليه


قال شو صبرك ع المر قال اللي أمر منه


قالوا للجمل زمر قال لا شفه مضبوطه و لا أصابع مفروقه


قالوا للجمل شو كارك قال بحيك حرير


قالوا للحرامي إحلف قال قرب الفرج


القرد بعين أمه غزال


قرد موالف و لا غزال مخالف


الكبير اللي بيتدلع متل الباب المخلع


كل ديك ع مزبلته بصيح



كل فوله مسوسه و إلها كيال و كل كديشه و إلها خيال


كله عند العرب صابون


لا تقول للمغني غني إلا ليجي كيفه


لا تنام بين القبور و لا تحلم أحلام مزعجه


لبس العود بيجود


اللي ببلاش كتّر منّه


اللي بغربل الناس ,الناس بتنخله


اللي بياخذ مالك خد روحه


اللي بياكل ع ضرسه بينفع نفسه


اللي بيخاف من القرد بطلع له


اللي بيشوف مصيبة غيره بتهون عليه مصيبته


اللي بيعرف بيعرف و اللي ما بيعرف بيقول كف عدس


اللي بيكبّر فشخته بيوقع


اللي بيلاعب القط بيصبر على خراميشه


اللي بينام فيه بيصبح فيه


اللي عنده مال محيّرُه , بيشتري حمام وبيطيره


اللي له عمر ما بتهينه شده


اللي ما بيفهم بالوما الحكي معاه خساره


اللي بيحب نفسه بتكره الناس


اللي يطبل زمر له


لسانه مِلس و قلبه نجس


ما حدا بيقول عن زيته عكر


المال السايب بيعلم الناس السرقة


المتعوس متعوس و لو علقوا ع بابه فانوس


متل البوم ما بينعق إلا بالخراب


متل الحمام اللي مقطوعه ميته


متل الحية تحت التبن


متل الخاتم بالإصبع


مثل البس كيف ما رميته بيجي واقف


مش كل الوجوه بتنقال لها مرحبا


مش كل مره تسلم الجره


مش كل من صف الصواني صار حلواني


معروف زي الثور الأبرق


معك قرش بتسوى قرش


المكتوب مبين من عنوانه


من الدلفه لتحت المزراب


موال براسه و بده يغنيه


مين شاف حبابه نسي صحابه


ناس بتاكل جاج و ناس توقع بالسياج


ها الكعك مش من هالعجين


الهريبه تلتين المراجل


هين قرشك و لا تهين نفسك


واحد حامل ذقنه و الثاني تعبان فيها


الواحد ما بيتعلم الا من كيسه


يا أرض اشتدي ما عليكي قدي


يا طخه يا اكسر مخه


يا غافل إلك الله


يا ماخد القرد ع ماله بيروح المال وبيبقى القرد ع حاله


ياما بالحبس مظاليم


دوام الحال من المحال


خلي للصلح مطرح


السياسة ما الها دين


المنايا ولا الدنايا


الف قلبه ولا غلبه


شو بال عكا من هدير البحر


حلاوة اللسان عز بلا رجال


قبل ما تفصل قيس


كلمة بت ولا عشرة لت


الزايد أخو الناقص


اللي ما بييجي معك تعال معه


اللي تغلب به العب به


احسب العاطلة قبل المليحة


امشي عدل توصل بدري


زلة القدم ولا زلة اللسان


العجلة من الشيطان


مد عينك قبل ما تمد رجلك


العدو عدو لو اطعميه حلاوة


افطر بعدوك قبل ما يتغدى فيك


عقلي في راسي بعرف خلاصي


المستعجل ما بيسوق جمال


لا تذم ولا تشكر الا بعد ستة أشهر


عمر العدو ما بصير حبيب ولا فرخ الحية بيخط في العب


التحضير في الراس مش في الكراس


قمحة والا شعيرة؟


البلح حلاوة بلا نار


رز الفقير برغل


الشعير للبعير


النوم تحت الخروب غير مرغوب


زي قرن الخروب


وجهك بيقطع الخميرة من اللقان


الطول طول النخلة والعقل عقل سخلة


اللي مالوش خميرة ... ما يخمرلوش عجين


الحكاية مش حكاية رمانة هادي قلوب مليانه


اللي بيتبعتر طحينه في الشوك يصعب عليه لمه


كول جميز واشرب ميه ... وايش ما جرالك عليه


خمسة وخميسة


السبعة مسبوعة


عمل السبعة وذمتها


خمسة في عين الشيطان


سبع صنايع والبخت ضايع


النبي وصى على سابع جار


عيلة السبعة ما الهاش شبعة


بده من الدواق سبعه واق


ابن الأربعين من الكاملين


يا ناصر الستة على الستين


الأربعينية يا شمس تحرق يا مطر تغرق


فتش بيتك سبع مرات قبل ما تخون جارك


بنت الأربعين ذات بنات وبنين


بعد الأربعين يا رب تعين


من عاشر القوم أربعين يوم صار منهم


احذر النساء قبل العشرين واتركهم بعد الأربعين


عيار الشبعان أربعين لقمة


المرأة بتحب يوم وبتكره أربعين يوم


الهنا لسنه والنفسه للأربعين









يتبع

_________________
[center]

عاقلة انا ..لدرجة الاستهزاء من جنون "قيس" !!
متمردة ..لدرجة الهبوط بجناح مكسور من اعلى قمة في العالم !!
واهمة.. لدرجة انتظار طرقات يدك على بابي بعد" قليل" !!
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البنت الشقيه
الراس الكبيره
الراس الكبيره
avatar

الجنس : انثى
الســـن الســـن : 37
الوظيفة :
الهواية :
المساهمات : 3501
علم بلدك : أمة واحدة  قلب واحد
لا تنسى ذكر الله : الحمد لله عدد ما تعاقب الليل والنهار

مُساهمةموضوع: رد: امبر موسوعه للامثال الفلسطنينه   الأربعاء يونيو 03, 2009 11:42 pm

يخلق من الشبه أربعين

يوم الاثنين بيزيد مرتين

الأحد بيحد الشر

يوم الخميس فصل لحبيبك قميص

يوم الثلاثا يا حرق يا وراته

ان كان عليك الفين لا تغسل يوم الاثنين

الجمعه جامعه والدواعي فيها سامعة

أبو عين فارغة

الطمع فرق ما جمع

العب وحدك ترجع راضي

بياكلوا وبينكروا

يا روح ما بعدك روح

من حب نفسه كرهته جماعته

شربة من برة بتوفر الجره

عند البطون بتغيب الذهون

استكبرها ولو كانت عجره

كولها نية قبل ما غيرك يوكلها مستوية

عندك عيش وعندي عيش وفراغة العين ليش ؟؟

زي الجدي اليتيم بيرضع كل الغنمات وبيبات يطرق

الدنيا دولاب

الزمن غدار

الله يحيينا ويورينا

الحيط الواطي كل الناس بتنطه

حمر المطايا ما جابها النوّام

ايد واحدة ما بتصفق

اللي مالو ظهر بنضرب على بطنه

الأسى ما بينتسى

عمر الحية ما صارت خية

عدو جدك ما بودك

عمر العدو ما صار حبيب إلاّ لما يصير الحمار طبيب

الدهر دولاب

اللي بدو الدح ما بقول اح

ما مات حق وراه مطالب

من طلع من داره قل مقداره

البيت اللي رباني ما بينساني

الغربة كربة وهم للركبة

البيت اللي تاكل منه لا تدعي عليه بالخراب

يا معمر بغير بلدك ما هو إلك ولا لولدك

إن كانت الحية بتنحط بالعب، عمر العدو ما بينحب

بلادك إن شحت عليك مرية

اتعب على أرضك تتعب عليك

يا فرعون مين فرعنك، ما لقيت حدا يردني

يكفيك شر جوعان وشبع

الجوعان يأكل عودان المكانس

الكسرة بيد الفقير هجنه

طول ما الكيس ملان بيكثروا الخلان

الولد البكر يحيي الذكر

ابن ليلة يعرف الشيلة

ماحدا طلع من بطن أمه متعلم

ما يبكي على الولد إلاّ اللي رباه

جوزك على ما عودتيه وابنك على ما ربتيه

طب الجرة على ثمها تطلع البنت لأمها

من يمسك إصبعه صحيح لا يدمي ولا يقيح

العقل زينه واللي بلاه حزينه

البنت بلا حلق، دالية بلا ورق

إذا حصلت المحبة ارتفع التكليف

ايش دخلك بيت عدوك، قال حبيبي فيه

هم البنات للممات

اللي ما يطول قطف العنب، بقول حامض

اللي بتطلع لفوق رقبته بتنكسر

اللي ما ياخذ من قدره، دق البين سدره

قبل ما تدور على مرة دوّر لابنك على خال

اسأل قبل ما تناسب يبان للردى والمناسي

العز للرز والبرغل شنق حاله

نوم السراري للضحى العالي

أعزب دهر ولا أرمل شهر

الأم تعشعش والأب يطفش

الصغار زينه الدار

بارك الله في الدار الوسيعة والفرس السريعة والمرة (المرأة) المطيعة

من رقعت ما عريت، ومن دبّرت ما جاعت

حيِّل النسوان غلبت حيِّل الغيلان

ما تستاهل الكرا إلاّ اللي تركب الزرار والعرى

غناه من مرته وفقره من مرته

خذ الأصيلة ونام على الحصيرة

بنت الرجال عانت واستعانت، وبنت الأنذال حطت راسها ونامت

برد الصيف أحد من السيف

البرد سبب كل عله

بزمان الخير ما غنينا يا ليل

ما يطلع من دار المطبلين غير المزمرين

كسرنا الدف وبطلنا الرقص

دوام الحال من المحال

فرس الباغي عثور

اللي ما يزم القدح بيده ما يروى

دق الحديد وهو حامي

المي لا تمشي إلا بمجاريها
طعام على طعام بورث الجرثام

اللي خلفه أبوك لك ولأخوك

اللي بخاف من العقرب بطلع له

كثر الرفرفة يكسر الجناح

نص البطن بغني عن ملاته

قلع الضرس ولا وجعه

إذا فاتك السوق اتمرغ بترابه

شعرة على شعره تساوي دقن

الدراهم كالمراهم

اللي عنده مال محيره يشتري حمام ويطيره

ما بعنا بالكوم غير اليوم

أيلول ذنبه مبلول

آخر آب الجو عاب

كانون كن في بيتك كثر ملحك وزيتك

سلاح البنت مراية ومشط

العقدة اللي تحلها بيدك لا تحلها باسنانك

اللي بقعد مع العوران لازم يعوّر عين

على قد فراشك مد رجليك

خير عادة ما تتعود عادة

صابح القوم ولا تماسيهم

اللي بدق الباب بسمع الجواب

اللي يحضر السوق بتسوق

من عاشر القوم أربعين يوم صار منهم

أكل الرجال على الرجال دين وأكل الرجال على الأنذال صدقة

السر إذا جاوز اثنين شاع
عواد ما عاد بعيدها

لقمة هنية تكفي مية

الرغيف اللي بيلمع للصاحب اللي بينفع

أول قرى الضيف البشاشة

الممارس غلب الفارس

الحركة ولود والسكون عاقر

القاعد حجير والماشي طير

اشتغل بقرش وحاسب البطال

إن مال عليك الزمان ميل على ذراعك

تراب العمل ولا زعفران البطالة

فين كنت أيام الحصايد كنت أغني قصايد

اللي ما يغبر شنبه ما بدسمه

رجل في السوق ولا مال بالصندوق

شغل المتجدد يهد

فلاح مكفي سلطان مخفي

اللي أمه خبازه ما بيجوع

الشين شين ولو عجنوه بقنطار عسل

لبّس البوصة تصير عروسه

الرجال مخابر مش مناظر

اللي يحب الورد يتحمل شوكه

الولد ولد ولو صار قاضي بلد

الشب الغاوي شو ما راد يساوي

غلطة المعلم بألف

القط حج سبع حجات وما بطل قنصاته


المنحوس منحوس ولو حطوا على راسه فانوس

درهم حط ولا خزاين مال

تجري جري الوحوش غير نصيبك ما تحوش

من حرص ما انقرص

اللي ما يطل العرجون بيقول ما أمرُّه

لا يموت الذيب ولا تفنى الغنم

اطعم الضارى وخلي المشتهي

اضرب الطينة بالحيط إن ما لزقت تعلِّم

دق الحديد يبان عيبه

قيس قبل ما تغيص

- اللي يربط بقبتو حبل بيلاقي ألف مين يشدو

المنية ولا الدنية

النار ولا العار

اللي من إيده الله يزيده

الغريب يكون أديب

اللي بيته من قزاز ما يرمي الناس حجارة

الشر سياج أهله



يتبع


_________________
[center]

عاقلة انا ..لدرجة الاستهزاء من جنون "قيس" !!
متمردة ..لدرجة الهبوط بجناح مكسور من اعلى قمة في العالم !!
واهمة.. لدرجة انتظار طرقات يدك على بابي بعد" قليل" !!
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البنت الشقيه
الراس الكبيره
الراس الكبيره
avatar

الجنس : انثى
الســـن الســـن : 37
الوظيفة :
الهواية :
المساهمات : 3501
علم بلدك : أمة واحدة  قلب واحد
لا تنسى ذكر الله : الحمد لله عدد ما تعاقب الليل والنهار

مُساهمةموضوع: رد: امبر موسوعه للامثال الفلسطنينه   الأربعاء يونيو 03, 2009 11:42 pm


أهل السماح ملاح

بات مغلوب ولا تبات غالب

اللي يصبر ينول

صبرك على نفسك ولا صبر الناس عليك

اثنين في دار ما يعلم بيهم جار

اللي على راسه جره يتلمسها

الصراحه راحة

الحر كرامته رأس ماله

اعمل معروف وارميه في البحر

كلنا أولاد تسعة

المرأة عمارة

كلمة بتحنن وكلمة بتجنن

عيشة الفهيم مع البهيم داء دفين

ميه مالحة ووجوه كالحة

هين فلوسك ولا تهين نفوسك

التقى المتعوس على خايب الرجا


احترم كبيرك بيحترمك صغيرك

الخط الأعوج من الثور الأبرق

الدعوة بتدور بتدور ع سبع بحور وبترجع لصاحبها

الكبار بتاكل الحصرم والصغار يضرسون

العرق يسوس ع سبع جنوس

قيراط بخت ولا قنطار شطارة

من غربل الناس نخلوه

إن قوست (ظهور قوس قزح) صبحية خذ عصاتك والحق الرعية وإن قوست عصرية دوّر على مغارة دفية

مال الحرام ما بيدوم

اللي بيزرع الخير يحصد البركة

الفنجان الأول للضيف والثاني للكيف والثالث للسيف

الخال لولا الشك والد

رب ابنك واحسن أدبه، ما بموت تا يخلص أجله

الإبن الفاسد يجيب لأهله المسبه

الغصن مني ولو مال

سيف الأهل من خشب

اللي يطلع من ثوبه يعرى

أهلك ولا تهلك

اللي من دمك ما يخلو من همك

عمر الدم ما صار ميّ

الظفر ما بطلع من اللحم

أصلك يردك

الحر ما يتنكر لأصله

اللي ما لو كبير مالو تدبير

العرق دساس

ستر البنت زواجها

اخطب لبنتك قبل ما تخطب لابنك

خلقة باب بيرد الكلاب

اللي ما باخذ من ملته يموت بعلته

جارك القريب ولا أخوك البعيد

الجار للجار ولو جار

اللي يزرع زرعين ما يخيب

الباب اللي يجيك منه الريح سدو واستريح
الفلاح يبذر حبه وبيتكل على ربه

فت الشبعان على الجوعان فت بطيء

الموت بين الناس نعاس

اللي بعاشر القط يلقى خراميشه

معك قرش، تسوى قرش

قالوا للأربنه كلي، قالت تا أسلم بلحماتي

من خلى حاله حب أكله الدجاج

جاي من البرية وتاخذ الأولية؟

البدّار عارف شو طالع من ايده

الزيتون ملّك العاجز

صاحب الصنعة مالك قلعة

الجود من الموجود

بنت العم بتصبر على الجفا

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

حظ يفلق الصخر

حلاة الزيارة غارة

القرد في عين أمه غزال

الفاضي بيعمل قاضي

جوزت بنتي لارتاح من بلاها أجتني وأربعة من وراها

لو بشوف الجمل حردبته كان بيوقع وبيكسر رقبته

اللي ما بيشقى ما بيلقى

الشحادة عادة

من أمّنك لا تخونه ولو كنت خاين

مثل القرعة بتتباهى بشعر بنت أختها

مثل البوم ما بنعق إلا بالخراب

زي السمك بس يطلع من المية بموت

الدهر دولاب يوم معك ويوم عليك

رعاية البقر ولا رعاية البشر

إسأل مجرب ولا تسأل حكيم


الديك الفصيح من البيضة بصيح

الصلح سيد الأحكام

عصفور في اليد ولا عشرة على الشجرة

صنعة في اليد أمان من الفقر

وجع ساعة ولا كل ساعة

جاجة حفرت على راسها عفرت

أعطي الخبز لخبازه ولو أكل ثلاثة أرباعه

ينام اللي ما على قلبه هم

العين بتعلاش على الحاجب

العز يليق بصحابه

اللي بتزوج أمي بصير عمي

ما بحرث الأرض إلا عجولها

اللي ما عنده زرع ما عنده قلع

فكرت الباشا باشا، تاري الباشا زلمه

ما في شدة إلاّ وراها فرج

العاقل وديه ولا توصيه

حظ يفلق الصخر

حلاة الزيارة غارة

القرد في عين أمه غزال

الفاضي بيعمل قاضي

جوزت بنتي لارتاح من بلاها أجتني وأربعة من وراها

لو بشوف الجمل حردبته كان بيوقع وبيكسر رقبته

اللي ما بيشقى ما بيلقى

الشحادة عادة

من أمّنك لا تخونه ولو كنت خاين

مثل القرعة بتتباهى بشعر بنت أختها

مثل البوم ما بنعق إلا بالخراب

زي السمك بس يطلع من المية بموت

الدهر دولاب يوم معك ويوم عليك

رعاية البقر ولا رعاية البشر

إسأل مجرب ولا تسأل حكيم

ما في شدة إلاّ وراها فرج

العاقل وديه ولا توصيه

الدنيا فانية

الي فات مات

يوم عسل وبصل

كل شيء بأوانه

من ايده لتمه

كل وقت واعطيه وقته

المتغطي بالزمن عريان

التدبير نص المعيشة

اللي بتزرعه بتلاقيه

بعد ما شاب ودوه الكتاب

ربنا بيقطعش رزق حد

عشيني اليوم وموتني بكره

اللي من نصيبك بيصيبك

قرش الصبا وابن الصبا بتعوضش

فش اشي بيستحي من أوانه

بكره بتنشف البركة وبتبين الضفادع

القرش الأبيض بينفع في اليوم الأسود

الزمان والنسوان ما الهم أمان

انقلب الزمان وأصبح القمح زوان

يوم الك ويوم عليك دير بالك فتح عينيك

العز للرز والبرغل شنق حاله

خزين الصيف بينفع في الشتا

خبز وزيتون أحسن ما يكون

خبز وماء أكل العلماء

كول زيت وانطح الحيط

عمارة البيت خبز وزيت

الله يلعن الدرة اللي ماالهاش عرق

الزيت مسامير العصب

كول فول والحق القفول

كول العدس تفوت الفرس

ان كان الخبز في البيت فرحت انا وغنيت

الفشر والنشر والعشا خبيزة

رز ولبن عافية ع البدن

الدهن في العتاقي

لا توري جوزك طبيخ الخضر ولا لحم البقر

ادلقي يا ملوخية في الزبادي العوج

في آب كول العنب ولا تهاب

لحم الهرش ما بيوسى قرش

فتح عينك تاكل ملبن

زي الملبن

كول أول العنب وآخر التين

ضرب الحبيب زي أكل الزبيب

الرمان بيملى القلب ايمان

شتي ع البرتقال وصيف ع العنب

الضيف المشوم بعد الأكل بيقوم

طول ما الكيس مليان تكتر الخلان

اللي بيستكتر غموسه بياكل حاف

يوم عسل ويوم بصل

الرايب للحبايب، والزبدة للنسايب، والميص للمتاعيس

المغرفة عايرت الدست ، قال كلنا ولاد طبيخ

أيام عنبك وتينك تكتر محبينك، وأيام قشله ونشله ما حدا يعينك

بتقوم للقمر قوم تاقعد مكانك

خود المليح واستريح

تمها خاتم سليمان

سنانها زي اللولو

زينة الزين، الحاجب والعين

عنقها زي عنق الغزال

خدها بيضة ولو انها مجنونة!

سمره ونغشه، ولا بيضة ودفشة

زينة الزين الحاجب والعين

اللي بياضه ما هو من ربه ، يا رب تعب قلبه

لا انت أحمر مني خد، ولا أحسن مني جد

من ملك عينه وسنه ملك الحسن كله

الطويلة طالت التينة والقصيرة ظلت حزينة

خود الحلو واقعد قباله ، وان جعت شاهد جماله

البشع بشع لو تغسل كل يوم، والحلو حلو لو فاق من النوم

ان كانت يبضة من بختك، وان كانت سمرة زي امك واختك

حتى يشيب الغراب

أبرد من الثلج

آمن من حَمام الحرم

أبصر من كلب

أبلغ من قس


أثقل من كهلان (اسم جبل)

أحر من الجمر

أرق من النسيم

أضيق من سم الخياط

يد الحر ميزان

الجمل في شي والجمال في شيء

الإسكافي حافي والحايك عريان

يا جبل ما يهزك ريح

_________________
[center]

عاقلة انا ..لدرجة الاستهزاء من جنون "قيس" !!
متمردة ..لدرجة الهبوط بجناح مكسور من اعلى قمة في العالم !!
واهمة.. لدرجة انتظار طرقات يدك على بابي بعد" قليل" !!
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امبر موسوعه للامثال الفلسطنينه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
My dreams  :: °˚◦ღ♡♥ஓ ثقف نفسك بنفسك ஓ♥♡ღ◦˚° :: حكم وأمثال شعبية-
انتقل الى: