My dreams



 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 ياسنين عمري كفايه حزن ياسنيني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البنت الشقيه
الراس الكبيره
الراس الكبيره


الجنس : انثى
الســـن الســـن : 36
الوظيفة :
الهواية :
المساهمات : 3501
علم بلدك : أمة واحدة  قلب واحد
لا تنسى ذكر الله : الحمد لله عدد ما تعاقب الليل والنهار

مُساهمةموضوع: ياسنين عمري كفايه حزن ياسنيني   الإثنين يناير 04, 2010 11:01 pm


حسبي على الذكـرى إذا هـبّـت عصـير
ما عاد تنـفع شـرهـتي و المـلامـه
البـال ظامي وقـتها
و الحـزن بـير
خسرتك وهمي كسبت اهتمامه
والليل فازع لك كـذا
جاني مغـير
ظـلمتني
و أكـثر ظـلمني ظـلامه
لااقبـل علي أوحـيت صوت المسايـير
و فزيت كـل ضيف أقـوم بمقـامه
و إليا عـزم هالليل
"ضيقه" و "تفكـير"
قل لي بربك كـيف بقدر أنامه؟؟



ما عـرّف أوراقي عـلى طـيش حـبري
إلا رداة الحـظ
و العشق
و الـويـل
و لا ضيـق الدنيـا وسط عيـن شعري
اللا غـدر نسل الـرجال المشاكـيل




أنا حـبيت يومي كـنت جـاهـل
تلبـست الهـوى لبـس القـلاده
عطـيت القلب للـي كـنت احـبه
ربـط قـلبي من يـدينـه و قـاده
همس لي قال "احـبك يا حـياتي"
حسبت انه دوى قـلبي وضماده
جلست احطب ضلوعي و اشكـر الله
و لو ضـلع احـترق نحـرق رمـاده


ليتنا مثل الهدب والرمش يا عمري نكون
لو تفارقنا ثواني نبتـدي لحظـه عنـاق
ليتنا مثـل الطفولـه بالبرائـه مانخـون
ماندل الاطريق الصدق مانعـرف نفـاق
ليتنا مثل الامومه قلبـي وقلبـك حنـون
لانت ترضى في فراقي ولا انا بعدك يطاق
ليت حبك لي جنوني مثل ماحبك جنـون
وليت شوقك لي مثل مانا على حر اشتياق






»؛°....°؛«








»؛°....°؛« و ابتـدينـا »؛°....°؛«




تحـبني؟
أدري
حكـا لي محـياك
رعشة يـدينـك
و ارتباكة حـروفك
ياللـي الوفا
هـو بعـض أصغـر مزاياك
هـمي ثقيييييل
و وافيات كـتوفك
تشيـل همـي دوم
كـني أنا اياك
صارت ظـروفي
مو ظـروفي
ظـروفك



»؛°....°؛«




قـلت لي:
(يادفى الكون نامي)
نــامي على وســاده هنا واحلمي بي
حلم يصير فــواقعٍ ماله وجود
يافرحتي يابهجتي يا نصيبي
ياللي حضنتي الكون بعيونك السود
يامشعله في وسط صدري لهيبي
يامعطره كل الفضا بنفحة العود
نامي ونادي في الحلم يا حبيبي
باجيك لو باب الوصل كان مسدود




انتا وأنا روحين في داخل إنســــــان
كل الوفا اللي بها المدى من وفانـــــا
انتا وأنا دنيا المحبة والألـــــــــــوان
والحب نعمه من كريم عطانـــــــــــا
نزرع صحارينا ورود وريحـــــــان
ونعطر أنفاس الهوى من شذانــــــــا
نسقي العمر من وادي الحب وديــان
ونعلم طيور المحبه غنانــــــــــــــــا
ونحيا بها العالم نبض داخل إنســـان
انتا وأنا وثالث هوانا هوانــــــــــــا




»؛°....°؛«




لجلك أبيع الناس والربع والروح
ولجلك أذوق المر وآقول حالي
ولجلك أعيش الحزن والدمع والنوح
ولجلك اصارع الهم واقول : سالي
آقول : سم وتم ولو تبي روحي تروح
ما احد ترى بالناس غيرك طرالي



»؛°....°؛«




لبيه ياللي ما يوازيك مخلوق،،
ياللي تغار اشفاه من ريق فمه...
عاشق بديت وجيت ذالحين معشوق،،
كاس الهوى ما يذبحك غير سمه...
مرفوق يا خلي و ستين مرفوق،،
((إنتا دخلت القلب غصب عن أمه))



»؛°....°؛«




تدري !!
إنكـ في حياتي كل شي
وأن قلبي رغم بعدكـ ما نساكـ
وأنكـ أنت شمس ليلي وَ ظل عمري وَ الحنين
وَ فرحة أيامي وَ ذكرياتي وَ السنين
تدري !!
أنت في حياتي من تكون ..؟؟
.." أنت "..
قلبي وَ قلب قلبي وَ ،، الجنون


امسحي ذكرى ليــــاليـــــنا
الجميــــــــله ..
واكتبي في دفتـــرك حب
الممـــــــاتي .. !!
وان طرى لـك يوم ذكري
والسوالف ..
غيـــــــري موضــوع فكرك ..
في جفـــــاتي .. !!






»؛°....°؛«






سقــــــــاني المر ..
عذبني .. !!
ورمـــــــاني في عميق البيــــــر ..
عقد صــــوتي و خلاني
الوووذ بعضــــة ابهــــــامي .. !
وانا قد كنت له مـــــــوفي ..
ولا مني بدا تقصيـــــــر ..
يموت لدمعـــــة عيوني ..
وامـــــــوت بعيــــــنه هيــــــــــامي .. !!






»؛°....°؛«








»؛°....°؛« بـ تـسافـر..؟؟! »؛°....°؛«




مـدري وش اقـول
لكـن تـدري؟
اسمعني
خابرك وافي
و ابيك تتم معـروفك
ان كـنت ناوي تسافر
لا تودعني
بس انتبـه لا تسافر قبـل ما اشوفك



خـلاص بتسافر؟
زيـن التفت لحـظـه
عطـني جـروحك بـس
خـلها تسليني
بغيابك الكـافر
و اخـذ النظـر مني
خـبّـه مع اشياءك
مابي أشوف النـاس
وش لون اشوف الناس؟
و شوفي معك سافر



ان غبت عني حـن قـلبي و تشره
و ان جـيتني قـلبي حـفظ كـل تقـدير
والله ما أسـلاك مثقال ذره
سلطـان فكـري انت من ويـن ما اسيـر




نعم من غابت عيونك وانا اصفق على الكفين
واتوه بخطوتي ضايع ولا ادري وين عنواني
حبيبي شفت هالدنيا حلاها لاجتمع قلبين
تخلي قلوبنا اجمل من اللي عاش وحداني


تصور انك من رحـلت
أشوفك لجسمي ظـلال
لا شفتـه امشي ببتعد
و أثره معي مهما مشيت
مادام يعني في بحـرك لفرحـتي مـليـون جـال
وش فيـه موجـك ما ركـد؟
قربت اموت و ما رسيت




كنت اتقاسم كل الاحزان وياك
رضيت معك بكل هم ورضيتك
واليوم..يوم احتجت لك صرت ما القاك
وانا أحسبك عندي متى ما بغيـــتك


يعـلم الله في غـيابك ما تناسيتك
بـس في مـره نويت انساك ما مداني
قلت ابنسى و ارتفع صوتك و لبيتك
و اثر خفاقي بصوتك عنك ناداني
هـذا حـالي يا الغـلا من يوم خـليتـك
و انت طـمني علي
في البعـد وش جاني؟





ذكـريات البـومي و قـرطـاسته و فريمه
بابه القـدامي انت و بابه الـوراني
ما علي ان كـانت الصفحـه بلا تـرقيمـه
ويـن ما فريت القا صورتك وحـداني



ناديت ويـن انت ما رديت يا غالي
ما شفت الايام وش سوت ليـاليها؟
يلعب بي الـوقـت و اتعب و ارثي الحالي
و اصبّـر الروح يوم غياب غاليها
أشتاق لك صـدق يوم تمـر في بالي
أقسم بربي حياتي كـنت ماليها
محـتاجـك ارجـوك
دايم خـلك قبـالي
أبيـك جـنبي عشان اطـلع عواليها



أنا من بيـن كـفينـك
شعور يسبـه الشعـره
أقول لك شـي؟
ترى فـدوه
حـياتي لو قطـعتيني
تعالي يا بعـد روح الشعور
و يا بعـد عمـره
أنا البـارح لهـذا اليـوم
أبـد ما غمضت عـيني






»؛°....°؛«






كـرهت السفـر
و اللـي يسافر
و لا صرحـت
بأنك سبب حـزني
و فرقاك يوجـعني
هـلا بك
على حطـة يـدك
جـيت و اللا رحـت
عـلى ما انت خـابر
و انت لا عـاد تقـطـعني






»؛°....°؛«






قلي عسى لي في الهوى و انت مقسوم
حـلمي غدا في صحـوة النـوم شايب
وش جمع سهوم الثـواني مع سهوم
جـرح انتظـارك شف صـدوف العجـايب
جـيتك أبنشد واعسى عنـدك علوم
عن خافق قـفى بليا سبايب
قلب إذا شافك من الفـرحـه يقـوم
يفـز لك فـزة كـبير القرايب



يقـول آسف إذا نكـدت عيشـك
و اقول انت مهبـول!!
أيّـة نكـاده؟
أنا اصـلا من عـرفتـك ما تنكـد
بـ حـبك دنـيتي سكـر زيـاده
و راح الليـل تبجـيل و مدايح
إشاده منه و مني إشاده
سكـت له فتـرة ثم ابتسم لي
عـرفت انه بغى يبـدا بعاده
هـدم كـل الغرام اللـي بنيته
إباده في إباده في إباده
قرب مني و في اذني همس لي
عرفت انه يلقني الشهاده


_________________
[center]

عاقلة انا ..لدرجة الاستهزاء من جنون "قيس" !!
متمردة ..لدرجة الهبوط بجناح مكسور من اعلى قمة في العالم !!
واهمة.. لدرجة انتظار طرقات يدك على بابي بعد" قليل" !!
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياسنين عمري كفايه حزن ياسنيني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
My dreams  :: °˚◦ღ♡♥ஓ المنتديات العامة ஓ♥♡ღ◦˚° :: المنتدى العام-
انتقل الى: