My dreams



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 صبح صبح ومسلسللات رمضان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البنت الشقيه
الراس الكبيره
الراس الكبيره
avatar

الجنس : انثى
الســـن الســـن : 36
الوظيفة :
الهواية :
المساهمات : 3501
علم بلدك : أمة واحدة  قلب واحد
لا تنسى ذكر الله : الحمد لله عدد ما تعاقب الليل والنهار

مُساهمةموضوع: صبح صبح ومسلسللات رمضان   الإثنين يوليو 19, 2010 6:14 pm

صبح صبح ياعم الحج
وازيكو ياقدعان


وكل عام وانتم بخير


وربي يبارك لنا بشعبان
ويبلغنا برمضان



ويازين رمضان زيناه


عاد اليوم كنت اطقطق بلاب
توب اخوي تركي



الا هو ماشاء الله الاخ


مسوي له مدونه كامله عن
مسلسلات رمضان


مو
تارك مسلسل مو كاتب القنوات الناقله


ووقت العرض


بمكه وبجرينتش


<<<الولد احس انه
افرنجي من يومه



حتى المصريه والتاريخيه مو
بتاركها



انا بفهم وش يحسون فيه
هالناس مع هالمسلسلات يعني وين الوناسه والمتعه فيها


على هالتفكير الا يدخل تركي باشا



اخبارك مليونير قلت
الحمدلله .. وانت ؟


قال كويس .. دوم الكواسه

<<< اخوان متاثرين بالمسن


يامليونير وش مخططاتك برمضان ؟


وش بخطط اكيد بصوم

ورمضان يجمعنا


<<< جاب الضايعه
الحين


لا
مليونير اقصد وش ناوي تتابع مسلسلات



قلت خل يجي رمضان ووقتها
نتفاهم


وبعدين
وش طاري هالمسلسلات اللي انت مجمعها عندك



قال ايه هذي بتابعها كلها ..
ليه بتحفظها ويختبرونك عليها يعني والله لو انك شغال بارشيف التلفزيون
مااهتميت كذا


يعني
فهمني بالله وين المتعه فيها


بيطيحون فينا بالمسلسلات الخليجيه


الكويتيين


يبدا المشهد من الباب ويمشي
الاب للصاله زعلان


والاثاث مرمي يمين ويسار على الارض

وبنته ببجامة نوم وردي حفظناها
كنه الكويت كلها مافيه الا هالبجامه يتلابسونها



واختها توها صاحيه من النوم
يمها جالسه



صامخات مكياج صايرات كنهن حمار قايله


طيب صاحيه نوم متى لحقتي تمكيجين
عمرج



يقوم يصمخها بطراق ..ليه
طيب؟ماندري


و
عيونا كذا



يالهذا الاب القاسي على
راعيه الوردي




الببنت جريبه من الدرج تركض
لغرفتها تبجي


<<<
خلاص تاثر باللهجه



واختها وراها بطلي الباب
ياسحر بطلي الباب ياسحر


يامعوده بطلي الباب


ابوي مايقصد يهينج


<<< لعنبو خامسك
لاعنها بطراق بغت تدخل بيتنا من الشاشه من قوة الطراق



وتقولين ما يقصد يهينج


وطول الحلقه وهي بطلي الباب
مايقصد


والاب
تحت بالصاله انا اراويج


تسوين لي الجاي بارد



طلعت السالفه عشان جاي بارد


ونجي لمسلسل كويتي ثاني


حياه الفهد


لوعت كبودنا بهالشيله اللي
مافارقتها من رمضانين سابقنين


نفس الشيله ونفس الدراعه


يابنت الحلال فكينا من الحزن
حقك


من
مقدمة المسلسل وانا ابجي



وين المقدمه


من الدعايات في شهر 8 وانا
ابجي



من اشوف رمضان يجمعنا وانا
ابجي



ياتتقمص دور الام المطلقه
وريلها تركها بالشارع



ياهي ام عيال يتامى وتربيهم
وماعندها غساله خلاقين



يابنت الحلال فيكنا جبتي لي
المرض واللوعه من مسلسلاتك الماصله اللي كلها تبكين وشفايفك مشققه



ولا يجي المسلسل الكويتي
الثالث


هذا
لازم يكون فيه شوي انحلال


لازم شجون الهاجري تشتغل فيه

لازم تفلمن وتاكشن بحركاتها


وهالملسل الاب يدخل ومعاه
مرته الثانيه



والام بالصاله ويا بناتها
يتريقون


<<< ياعله بالعافيه على
جبودكم بعد راسي والله



تفز الام مني هذي


انتي منو.. ؟؟؟؟؟


والزوجه الثانيه انا اللي
منو..؟


قولها
لها انا منو



والاب يعني هذي منو


والبنت منو هذي


والاب هذي مرتي اليديه


وتطيح الام يغمى عليها وعلى
المستشفى


وتروح
الحلقه بين صوت جهاز القلب


وبين زيارات الحريم لها


وكل مازارتها وحده خنت حيلي
ماتستاهل اللي ياها


وخنت عيني هالريايييل ماينتنامون

وكل الممثلات حالفات غير يطلعون
بكل مسلسل وبكل قناة


وكل ماتفر بقناه تلقى

ياشجون ياحياه الفهد يا على المدفع
< شايب السعودية


<<< جاء اسمه بالغلط
وتركته


تصادم الحضارات يجيك

فكونا يرحم ابوكم


نطلع من الكويت


نروح للمسلسلات القطريه


عاد هذولي مدري وش يبون ووش
يحسون فيه


اهم
شي بمسلسلاتهم لابسين الغتره البيضاء المخططه ولافينها على روسهم


والثياب الوسيعه والكم الوسيع


والمسلسل كله يصورونه على
البحر



واذا غيروا راحوا ببيت شعبي
وسوق ابوابه خشب وسفينه


وكله المسلسل لقطتين

اللقطه الاولى جالسه البطله عند
الشباك في الليل وتبكي ودمعتها على خدهاوتناظر القمر



واللقطه الثانيه الزوج ماسك
شعر زوجته ويشده ويصفقها بالجدار



وصلي الله على سيدنا محمد
خلص المسلسل


نروح
للامارتيين



شادين حيلهم معانا الاخوان
بالكوميديا


ماعندهم
كوميدي الا ذاك الشايب جابر نغموش ؟؟


والمسلسل (حاير طاير )

لا خلك غرندايزر احسن وين طاير
يبو


يلعن ابليسه طول المسلسل ماعمري
شفته يضحك


هذا
وينه ووين الكوميديا


وباقي اليوم كل القنوات الاماراتيه مسابقات بالاسواق


اقرب شاميه تقدم وكل اللي يفوزون
هنود


لاعبينها صح الهنود معاهم

عاد العمانين مدري وش يبون


كل رمضان وهم يتكلمون عن
قابوس وكيف
يصوم قابوس وكيف يفطر قابوس



الشي الوحيد اللي يغيرون فيه
الخبر


اذا
جاهم اعصار ونتفهم



ويرجعون يتكلمون عن قابوس
وابوه تيمور



نجي عاد للسعوديين


قمة المصاله وقمة البثاره


من طاش ماطاش لبيني وبينك


ياسدحان ياقصبي


ترى اقسم بالله ملينا منكم
20 سنه


لعنبو
ابليسكم صار احتلال هذا مو مسلسل


ولا مسلسل يصيبك تصادم في اللهجات

الاب شرقاوي

الام حجازيه

البنت شاميه

الولد نجدي

الخال جنوبي

تجلس وعيونك كذا

-----

نجي للمسلسلات السوريه


ابطال النينجا بوكيمونات
العرب



كل كلامهم والله ابضاي ومفتل
شواربه وياهيك الشروال ولا بلا


وكله كوم وحركته لما يكلم زوجته
كوم


لازم
يعطيها ظهره ويكلمها



ياعيب الشوم بتكلمها بئفاك
خخخخخخخخ


شو
هالرجال المعدل من يوم يومه ابضاي


وهذي حارتنا ومابدي شوفك هون بحارتنا


والحاره التانيه بدوووون
يئوسونا



يخسي يئوسنا بدي صدا انا
بصدري تئويسته



وتعى ابن عمي سويت لك مجدره


تئبر البي شو محلا حكياتك


<<<وشبابنا مفهين
تئبري البي يانوير يازين هرجاتس



ونجي للنوع الثاني من
المسلسلات السوريه


بنت ابوها غني وفيلا وحديقه واحتكار لسليم كلاس
خخخخخخخخ



وتحب واحد فقير ..


وكل المسلسل الاب يهدد
الاطخم


بتبعد
عن بنتي ولا بدي ائتلك



واهم شي المسلسل كله


روح البون الجينزات


فقيره ولا غنيه


ونجي لابطال الفن
الخامس المصريين



يجيهم دين وحب للصحابه
برمضان شي عجيب


مسلسلات
تاريخيه



ده احنا هونا ادوار الصحابه
وقريش لعبتنا ياراقل


مازا بك يااباقهل لم تحتسي الشراب
معنا وترى القاريات يشكشكن


لقد كنت مقتمعن مع ابالهب بدار
الندوه نسوي خطة اربعه اربعه اتنين لمحمد



لقد سب الهتنا وخرق ومن
معهوو الى يسرب لقد صباوا عن دين اباءهم واقدادهم


ثكلتهم امهاتهم ليسوا برقاقيل
<<<صار مصري من نجد



وشف من يمثل دور الصحابه


نور الشريف يمثل دور
الصحابه



وهو بالليل متسدح بمسلسل ثاني على
السرير مع كم....



ولا تنسون عاد سباق المشاهدين


والملايين اللي يدفعونه لسلقلق الشعيب


عشان يصيرون ضيوف الحلقات


وربي هالبرنامج اذا سمعت صوت الشاشه
يوم يختارون الرقم


يجيني ماغص


وبالاخير تبونا نجلس ونتابع التلفزيون
والمسلسلات والمسابقات


يكفي
استخفاف بعقولنا ..!!

_________________
[center]

عاقلة انا ..لدرجة الاستهزاء من جنون "قيس" !!
متمردة ..لدرجة الهبوط بجناح مكسور من اعلى قمة في العالم !!
واهمة.. لدرجة انتظار طرقات يدك على بابي بعد" قليل" !!
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صبح صبح ومسلسللات رمضان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
My dreams  :: °˚◦ღ♡♥ஓ ضحك وجد ولعب ஓ♥♡ღ◦˚° :: رودق الـDـماغ و كبر الـGمGـه-
انتقل الى: