ياورد الجرح لاتبكي ترى كل الجروح طيب

ياورد الجرح لاتبكي ترى كل الجروح طيب

ترى كل البشر يخطؤون ونتحمل خطاياهم

؛؛؛

بكينا واندفن فينا حزن اصدق من التكذيب

بكينا بكل مافينا وفينا والعذر منهم!!!

؛؛؛

لقينا ناس فيهم قلب وناس فنونها التعذيب

ولكن مانقول : الأه ولانتعب مسامعهم

؛؛؛

وسافرنا فراق الهم لقينا الهم فينا عيب

وواصلنا مسيرتنا وكل قلوبنا معهم

؛؛؛

نخبي اجمل الاهات ولانرتب لها ترتيب

وتاخذنا سنين العمر ونتحمل خطاياهم

؛؛؛

كذا ياجرح هالدنيا سهولتها من التصعيب

حلاوتها في قساوتها ولكن عيب نعلمهم

؛؛؛

تأنبنا ضمائرنا ولا نلقى سوى التأنيب

مصيري او مصير اللي بيخطي لو يجاملهم

؛؛؛

صحيح قلوبنا تعبت ولكن اجمل التعذيب

عذاب اغلى البشر لاصرت تتعذب لراحتهم